﮼حَسن،الرياحِي .

يأتي على الناسِ زمانٌ الصابِر فيهم على دينِهِ كالقابضِ على الجَمْرِ .

في قصص ما فيهش فوز ولا خسارة ، فيها إنك تفيق وتفهم إنك كنت تدفع في ثمن حاجات مش لك من الأساس .

في ناس ماعندهمش نظافة النية اللي تسمحلهم يصدقوا نظافة نيتك ، ما يقدروش يستوعبوا فكرة إنك كويس وماتبيش منهم شي ، لأنهم مافيش مرة كانوا فيها كويسين إلا وهم يبو منك حاجة .

ضريبة إنك تكون شخص كويس هي إنك حتبان ممل ، لأنك بسيط في الوقت اللي كلها تبني في شخصيتها على التعقيد ، أنت بالنسبة ليهم زيك زي واجد حاجات آمنة لدرجة هم مش متعودين عليها .

لاحظ إنه أول ما تقتنع وترضى وتقول خلي تجي زي ماتجي وماعادش يهمني شن نبي ، وقتها بس حتجي أحسن مما تبي ، كل هدف في الدنيا هذي مقابل عنده اختبار ، والاختبار مرات يكون ساهل جداً وهو إنك تسلم امرك لله بس ، لكن مرات واجده أنت تصعب فيها على روحك بإنك تكون شاد أكثر من اللازم ، وهو بمجرد ما ترخي تتسهلك من حيث لا تدري .