﮼حمِيَد،الحمِࢪيَ .

بين فتره وفتره خـوذ راحـة من الناس خلـيك بعيد شوف مـن يـستاهل اتقرب مـنه ومـن يـستاهل انـك تقعـد بعيـد علـيه ، الماسافات والبُعد هي يلي تقرر من شاريك ومن يلي يجري على بيعتك ، رتـب الناس وحـط كـل شخـص فـي مكانـه و حَ تعيـش صـح .

نفسيتي وردود فعلي تحسنت لما فهمت إن مش كل حاجه لازم نعطيها قيمه ، مش كل موقف يستاهل إن ننفعل على خاطره ، ولا كل موضوع نكبره ، ولا كل كلمه تستاهل نرد عليها ، بديت نتفرج ونتابع بصمت ونفوت فِ الموضوع لان مش حـ نقدر نغير طبع اللي قدامي ، لكن نقدر نقلل من الخُلطه ونعرف كل شخص ع حقيقته ونتجاهل ونكسب راحتي وبرود اعصابي وصحتي …

من كثر مانحب نكون أنسان مستقل في حياتي قعد صعب عليا نشارك أوقاتي مع اي شخص نحس اني لازم نتعامل مع مشاكلي ولحظات ضعفي بروحي وبصراحة هذي حاجة قاسية لكن عارف انه مهما شخصيتي تغيرت ح نقعد نفضل نفسى علي نفسي بدال ماحد غيري يقسي عليا .

وقت ماتقعد تكتم في حزنك وماتقولش لحد الحاجه اللي مضايقتك ، ياخذوا عليك فكرة انك شخص سعيد وماعندكش مشاكل يحسابوك عايش في ملاهي ، ولكن الواقع انت اللي متبيش تحكي لحد عشان ماحد يستعطف عليك .

مش محتاجين علاقه نبذلوا فيها مجهود عشان نوصلوا للكمال في نظر الطرف الثاني نحن محتاجين علاقه تخلينا نسألوا كيف يشوفوا فينا بالكمال هذا ونحن مليانين عيوب .